ಅಗಲಿಕೆ

ಪ್ರೇಮದ ಸಾಕ್ಷಾತ್ಕಾರದ ಸಾಕ್ಷಿಗೆ
ಎಷ್ಟೋ ಮಧುರ ನೆನಪುಗಳನ್ನು
ಜೀವಂತವಾಗಿ ಉಳಿಸಿರುವ ನಿನ್ನ ಪ್ರೀತಿಗೆ
ಗ್ರಹಣದಂತೆ ಕಾಡುವ ಈ ಅಗಲಿಕೆಯ
ಮೋಡದ ತೆರೆಯೇಕೆ?
ನಿನ್ನ ಕುಡಿನೋಟದ ನಿರೀಕ್ಷೆಯಲ್ಲಿ
ಕ್ಷಣಗಳನ್ನು ದಿನಗಳಂತೆ ಕಳೆಯುತ್ತಿರುವಾಗ
ಹೃದಯದ ತಳಮಳ ಈಗಷ್ಟೇ ತಿಳಿದಂತೆ
ಥಟ್ಟನೆ ತಿರುಗಿ ನೋಡಿ ಹೂನಗೆಯನ್ನು
ಬೀರಿದ ಆ ಕ್ಷಣದ ಮಧುರತೆಯ ನೆನಪು
ಮನದಲ್ಲಿ ಮೂಡುತ್ತಿರುವಾಗಲೇ
ನಿನ್ನ ಅಗಲಿಕೆಯ ಸತ್ಯ ಒಡಲೊಳಗಿನಿಂದ
ಹುಟ್ಟಿ ಕಣ್ಣೀರಾಗಿ ಹರಿಯುವುದೇಕೆ?

ಸಿಹಿ ನೆನಪು ಹೋಗಲಿ, ನಿನ್ನ ಕುರಿತಾದ
ನೋವಾದರೂ ನನ್ನೂಳಗಿರಬಾರದೇ
ಶಾಶ್ವತವಾಗಿ??